ברוריה וויגאַנדס פּאָעטישער אָוונט

די לאָנדאָנער ייִדישע דיכטערין ברוריה וויגאַנד וועט דעם 1טן דעצעמבער 2024 אַרויסטרעטן מיט אירע לידער אויף אַ ספּעציעלן אינטערנעט־אָוונט, אָרגאַניזירט דורכן תּל־אָבֿיבֿער "לייוויק־הויז". די אונטערנעמונג וועט פֿאָרקומען דורכויס אויף ייִדיש – 6 אַזייגער נאָכמיטאָג לויט דער ארץ־ישׂראלדיקער צײַט. דער אַמסטערדאַמער ייִדישער פּאָעט דוד־עומר כּהן וועט דינען אַלס מאָדעראַטאָר. מע פּלאַנירט אויך צו באַהאַנדלען די לידער מיט אַנדערע דיכטער און קריטיקער. צו באַטייליקן זיך אין דער אונטערנעמונג – רעגיסטרירט זיך אויף אָט דעם לינק.

ד״ר ברוריה וויגאַנד איז אַ לעקטאָרין פֿון ייִדיש און ייִדישער ליטעראַטור אינעם אָקספֿאָרדער אוניווערסיטעט. זי איז די מחברטע פֿון צוויי צוויי־שפּראַכיקע לידער־זאַמלונגען. וויגאַנט זעצט אויך איבער פּאָעזיע און פּראָזע פֿון ענגליש אויף ייִדיש, און פֿאַרקערט.