אין אַמסטערדאַם איז דעם 24סטן נאָוועמבער 2024 פֿאָרגעקומען די אָפֿיציעלע פּרעזענטאַציע פֿונעם נײַעם ייִדישן זשורנאַל "די גאָלדענע פּאַווע"; דער ערשטער פּראָבע־נאָמער דערפֿון איז שוין אַרויס אין יוני. די אויסגאַבע איז אַ המשך פֿונעם פֿריִערדיקן אַמסטערדאַמער זשורנאַל "די גרינע מדינה", געדרוקט זינט 2000.

"די גאָלדענע פּאַווע" ווערט רעדאַגירט דורך דוד־עומר כּהן, גלאָריאַ פֿיין־מאַק׳קינק און דאַניעלאַ זײַדמאַן־מאַוער, און גייט אַרויס מיט דער הילף פֿון דער האָלענדישער ייִדיש־פֿונדאַציע.