דעם 8טן יאַנואַר איז אינעם תּל־אָבֿיבֿער טעאַטער "ייִדישפּיל" פֿאָרגעקומען די פּרערמיערע פֿון אַ נײַעם ספּעקטאַל מיטן נאָמען "זכרונות פֿון מאָטל פּייסי דעם חזנס". דער ישׂראלדיקער דראַמאַטורג רמי רוזן (1944 – 2019) האָט אָגעשריבן די פּיעסע לויט מאָטיוון פֿון שלום־עליכמס באַרימטן בוך, און געשטעלט זי האָט דער רעזשסער יונתן אסתּרקין. אין "זכרונות פֿון מאָטל פּייסי דעם חזנס" זײַנען פֿאַרנומען צוויי אַקטיאָרן – יעקבֿ באָדאָ און יונתן רוזן. דער ספּעקטאַקל איז פֿולקום אויף ייִדיש מיט לויפֿנדיקע אויפֿשריפֿטן אויף העברעיִש און אויף רוסיש. ער וועט גיין ביזן 19טן פֿעברואַר.