בערל קאָטלערמאַנס נײַ לידער־בוך אויף ייִדיש
דעם 19טן פֿעברואַר, 2025, האָט ציקאָ אין ניו־יאָרק אָפּגעמערקט די פּובליקאַציע פֿון בערל קאָטלערמאַנס לידער־זאַמלונג אויף ייִדיש. דער דיכטער האָט אונדז דערציילט די פּרטים וועגן דעם דאָזיקן וויכטיקן געשעעניש. בעת דעם פֿײַערלעכן אָוונט האָט שבֿע צוקער, אַ באַוווּסטע וועטעראַן־אַקטיוויסטקע פֿון ייִדיש, דורכגעפֿירט אַ שמועס מיטן מחבר, און די מוזיקער דבֿורה שטרויס מיט דזשעף וואַרשאַוער זענען אויפֿגעטראָטן מיט אַ קאָנצערט.
בערל קאָטלערמאַן
די "צענטראַלע ייִדישע קולטור־אָרגאַניזאַציע" (ציקאָ) איז געגרינדעט געוואָרן אין 1938 דורך אַ ריי אָנגעזעענע אַמעריקאַנער ייִדישע שרײַבער און שפּראַך־אַקטיוויסטן. אין איר בלי־תּקופֿה האָט זי זיך צעצווײַגט איבער אַ סך שטאַטן און אין אַרגענטינע. צווישן די ווערק, וואָס זי האָט פֿאַרעפֿנטלעכט, זענען געווען אַזעלכע באַרימטע מחברים, ווי דער נאָבעל־לאַורעאַט יצחק באַשעוויס.
פֿאָטאָ: בערל קאָטלערמאַן