אויף ייִדיש פֿון אירלענדיש

בעת דער קעלטישער חגא סאַמײַן, דעם 1טן נאָוועמבער 2023, האָט די צײַטונג "ביראָבידזשאַנער שטערן" פֿאַרעפֿנטלעכט אַ סעריע לידער, איבערגעזעצט פֿון אירלענדיש (געליש) אויף ייִדיש דורכן דיכטער און שרײַבער יואל מאַטוועיעוו, לעכער וווינט הײַנט אין פּעטערבורג.

אין דער פּובליקאַציע זענען אַרײַן דיכטערישע ווערק פֿונעם 17טן ביזן 21טן יאָרהונדערט, ווי אויך אַן אוראַלט אַנאָנים ליד וועגן אַ קאַץ מיטן נאָמען פּאַנגור, וואָס שטאַמט, ווײַזט אויס, פֿונעם 9טן יאָרהונדערט. די איבערזעצונגען ווערן באַגלייט מיט אַן אַרײַנפֿיר־אַרטיקל אויף ייִדיש און רוסיש. אויף וויפֿל מיר ווייסן, דאָס איז דער ערשטער ליטעראַרישער עקספּערימענט אין דער געשיכטע, וואָס פֿאַרבינדט דירעקט ייִדיש מיט אירלענדיש.