שלום־עליכמס יאָרצײַט אין פּעטערבורג

אין 1912-1914 האָט ש. אַנ־סקי (שלמה־זאַנוול ראַפּאָפּאָרט) אָנגעפֿירט מיט ייִדישע עטנאָגראַפֿישע עקספּעדיציעס איבער די שטעטלעך פֿונעם תחום־המושבֿ. אַ קורצווײַליקע עקספּאָזיציע פֿון בערך 800 געזאַמלטע עקספּאָנאַטן האָט זיך געעפֿנט אין דער געוועזענער הויפּטשטאָט פֿון רוסלאַנד דעם 19טן אַפּריל, 1914. בעת דער יאָרצײַט־פּראָגראַם האָט געקלונגען שלום־עליכמס קורצע רעדע, רעקאָרדירט בעת זײַן באַזוכן די דאָזיקע אויסשטעלונג באַלד נאָך איר דערעפֿענונג, מסתּמא דעם 14טן מײַ, 2014.

פּעטערבורג איז אויך די שטאָט, ווי שלום־עליכם האָט אָנגעהויבן זײַן קאַריערע ווי אַ ייִדישער שרײַבער אינעם יאָר 1883, ווען ער האָט פּובליקירט די דערציילונג "צוויי שטיינער" אין אַלכּסנדר צעדערבוימס וואָך־צײַטונג "דאָס יודישעס פֿאָלקס־בלאַט". אויף דער אָנדענק־אונטערנעמונג האָט מען געוויזן די אָריגינעלע פּאַפּירענע נומערן פֿון דער דאָזיקער היסטאָרישער צײַטשריפֿט.