רחל אויערבאַכס "וואַרשעווער צוואָות" אויף ענגליש

דער פֿאַרלאַג White Goat Press (פֿש״אַ) האָט פֿאַרעפֿנטלעכט רחל אויערבאַכס זכרונות "וואַרשעווער צוואָות", איבערזעזעצט פֿון ייִדיש אויף ענגליש דורכן אַמעריקאַנער היסטאָריקער ד״ר שמואל קאַסאָוו.
רחל אויערבאַך (1903 – 1976) איז געווען אַ באַקאַנטע שרײַבערין, זשורנאַליסטקע און ליטעראַטור־קריטיקערין, וועלכע האָט בעת דער צווייטער וועלט־מלחמה געשפּילט אַן אַקטיווער ראָלע אין דער געהיימער אָרגאַניזאַציע "עונג־שבת", וועלכער האָט אָנגעזאַמלט אַ גרויסן אַרכיוו דאָקומענטן. צווישן אירע אָנטיילנעמער זענען געווען רבנים, שרײַבער און היסטאָריקער.
כּמעט אַלע מיטגלידער פֿון "עונג־שבת" זענען אומגעקומען בעת דער ליקווידאַציע פֿון דער וואַרשעווער געטאָ. רחל אויערבאַך איז געווען איינע פֿון די איינציקע דרײַ לעבן־געבליבענע. די אָריגינעלע זכרונות אויף – איר לעצט בוך – זענען אַרויס אין 1974.